Translate

Monday 13 October 2014

கொத்தமல்லியின் உடல்நல நன்மைகள்:-






கொத்தமல்லியின் உடல் நல நன்மைகள்:-


இந்த மூலிகை, பல சுவையான கவர்ச்சியான சமையல்களில் காணப்படும் மற்றும் வழக்கமாக பயன்படுத்தப்படும் இலை, மேலும் அதன் விதை. இது ஒரு சக்தி வாய்ந்த இயற்கையான உடல் உறுப்புகளை சுத்தம் செய்யும் சாதனம். கொத்தமல்லி திறம்பட உடலில் இருந்து (Heavy Metals) எனப்படும் நசுக்களையும் மற்றும் பிற நசுக்களையும் சுத்தப்படுத்துகிறது.


ஹெவீ மெடல்ஸ் (Heavy Metals) என்பது சாதாரண விஷயம் அல்ல, அதை கவனிக்காமல் விட்டால் உயிரை பலிவாங்கும் அளவிற்கு மோசமான ஒரு ஸ்லோ பாய்ஸனிக். இன்றைய வளர்ந்து வரும் உலகில், எல்லாமே ரசாயனம் தான். வித விதமான உணவுகள் பண்டங்கள் வந்து விட்டன, பார்ப்பவருக்கு அள்ளி தின்றுவிட வேண்டும், நாக்கு நமநம என்று ஊர்வது போல் ஆக்கிவிடுகிறார்கள் இன்றாய சமாயல் கலை வல்லுநர்கள். ஆனால் அவர்திரில் எல்லாமே நச்சு தான், ஆர்சனிக், ஈயம், மர்க்யுரீ இவை எல்லாம் இன்று தயாரிக்கப்படும் உணவில் அதிகமா சேர்க்க படுகின்றன. இவை செயற்கையாகவும் இயற்கையாகவும் உணவில் கலக்கின்றன. நம் மூதோர்கள் எனவே தான் நம் உணவுள் முறையில் கொத்தமல்லியை சேர்க்க பழகி வைத்து இருக்கிறார்கள் போலவோ..


கொத்தமல்லியில் உள்ள ரசாயன கலவைகள் ஹெவீ மெடல்ஸ் உடன் ஒட்டிக்கொண்டு அதை திசுகள், இரத்தம் மற்றும் உடல் உறுப்புககளில் இருந்து நீக்குக்கிறது.


கொத்தமல்லியை ஒரு சிறந்த பிணைப்பு பொருள் என்று கருதப்படுகிறது. குறிப்பாக பாதரசம் (Mercury) உச்சநிலைக்கு தாக்கப்பட்டுள்ள தனி நபர், தினசரி கொத்தமல்லியை தவறாமல் உண்டு வந்தால் நசுகள் வெளியேற்ற படும். பாதரசம் அதிகமாக உடலில் சேர்வதுகான இரண்டு முக்கிய காரணங்கள், மர்க்யுரீ பற்கள் அல்லது அதிக அளவில் கடல் மீன்கள் சாப்பிடுவது.


மேலும், கொத்தமல்லி எண்ணெய் வளம் மிக்க பண்புகளை கொண்டுள்ளது, அது உள் செரிமான பாதையை சீராக வைக்கிறது. அதன் எண்ணெய் நமது செரிமான அமைப்பை வைத்து வரும் செரிமான நொதிகள் மற்றும் அமிலங்கலை செறி செய்கிறது. மற்றும் இந்த எண்ணெய், பெரிஸ்டால்டிக் இயக்கத்தின் மூலம் செரிமானத்தை தூண்டுகிறது.


கொத்தமல்லி'இன் அறியப்பட்ட நலன்களை பரவலான மற்றும் ஆராய்ச்சியாளர்கள் ஒவ்வொரு நாளும் மேலும் கண்டுப்பிடித்து வருகிறார்கள். தற்போது, கொத்தமல்லி பல நன்கு அறியப்பட்ட, நன்கு ஆவணப்படுத்தப்பட்ட நன்மைகள் உள்ளன:

1. இதன் சக்திவாய்ந்த அழற்சி எதிர்ப்பு திறன், கீல்வாததை அதன் அறிகுறிகள் தெரியும்போதே அதை செறி செய்யும்.

2. சால்மோனெல்லா என்கிற உணவு பொருட்களில் இருந்து பாக்டீரியா தொற்றுக்கு எதிராக பாதுகாப்பு தருகிறது.


3. (நல்ல) HDL கொழுப்பு அதிகரிக்க செயல்படும், மற்றும் LDL கொழுப்பு (கெட்ட) குறைக்கிறது


4. வயிற்றில் வாயு, வாய்வு தொல்லை மற்றும் ஒட்டுமொத்த செரிமானத்தை பாதுகாத்து நிவாரணம் அளிக்கிறது.


5. சிறுநீர் பாதை நோய்த்தொற்றுகலில் இருந்து பாதுகக்கிறது.

6. குமட்டல் உணர்வை குறைக்க உதவுகிறது.


7. மாதவிடாய் தொடர்புடைய ஹார்மோன் செயல்பாட்டை துரிததப்படூத்துகிறது.


8. மாதவிடாய் தசைப்பிடிப்பு குறைக்க நல்ல மருந்து என்று நிரூபிக்கப்பட்டுள்ளது.


9. செரிமான பாதையில் நார்சத்த்தை சேர்க்கிறது.


10. இரும்பு மற்றும் மக்னீசியம் அதிகம் இருப்பதால் இது இரத்த சோகைக்கு எதிராக போராடும்.


11. நுண்ணுயிர் அல்லது பூஞ்சை நோய்த்தொற்றுகள் ஏற்படுகிற, வயிற்றுப்போக்கில் இருந்து நிவாரணம் கொடுக்கிறது.


12. ஆரோக்கியமான கல்லீரலின் செயல்பாடு மேம்படுத்த உதவுகிறது.


13. சிறிய வீக்கத்தை குறைக்கிறது.


14. வலிமையான ஆக்சிஜனேற்ற பண்புகள் உள்ளது.


15. நாளமிள்ளா சுரப்பிகளை தூண்டுகிறது.


16. இன்சுலின் சுரத்தலை மற்றும் இரத்த சர்க்கரை குறைக்க உதவுகிறது.


17. நோய் எதிர்ப்பு சக்தியை அதிகரிக்கும் பண்புகளை கொண்டுள்ளது.

18. ஒரு சளி நீக்கி மருந்து போல் செயல்படுகிறது.


19. விழி வெண்படல அழற்சி, கண் ஓரத்தில் ஏற்படும் சுருக்கம், திசு செயலிழப் மற்றும் மன அழுத்தங்களும் நிவரினியாக செயல் படுகிறது.


கொத்தமல்லி வயிற்றில் ஏற்படும் தொல்லைகளுக்கு தீர்வாக காணப்பட்டுள்ளது. எனவே, வயிறு கோளாறுகளை எந்த வடிவத்தில் அனுபவிக்கும் போதும், கொத்தமல்லி இலைகளால் டீ செய்து குடித்தாள் நல்ல தீர்வு கிடைக்கும்.


சினேொலே மற்றும் லினோலியிக் அமிலம், இவை இரண்டும் முதன்மை கூறுகளாக உள்ளன. எனவே இவை வாதம் மற்றும் மூட்டுவலிக்கு எதிராக செயல்படும் பண்புகளை கொண்டுள்ளது. அதுமட்டும் இன்றி, வீக்கம் காரணமாக உடலில் பெருகும் கூடுதல் தண்ணீரை கரைகிறது. கொத்தமல்லி மேலும் ஒலீயிக் அமிலம், பாமிற்றிக் அமிலம், ஸ்டீரிக் அமிலம் மற்றும் அஸ்கார்பிக் அமிலம் (விட்டமின் சி) கொண்டுள்ளது. இந்த கூறுகள் இரத்தத்தில் அதிக கொழுப்பை குறைத்து, அதே போல் நரம்புகள் மற்றும் தமனிகளின் உள் சுவர்களில் சுத்தப்படுத்துவதில் சக்தி வாய்ந்ததாக இருக்கும்.


பச்சை கற்பூரம் மற்றும் லினாலோல், கொத்தமல்லியின் மற்ற கூறுகள், கல்லீரல் தூய்மை மற்றும் வயிற்றுப்போக்கு குறைக்க வேலை செய்கிறது. அதே போல் சினேொலே, லிமோனேனே, ஆல்பா-பினேனே & பீட்டா பெலன்ரேனே என்ற கூறுகள், பாக்டீரியா எதிர்ப்பு பண்புகளை கொண்டுள்ளது. சீத்திறோணேலொல் கூறு, கெட்ட சுவாசம் குறைக்க வாயை-காயங்களை ஆற்றுவது மற்றும் வாய் புண்கள் தடுக்க உதவுகிறது, இதில் வைட்டமின் ஏ அதிக அளவில், மற்றும் பாஸ்பரஸ் போன்ற முக்கிய தாது உள்ளது.


கொத்தமல்லியில் காணப்படும் நன்கறியப்பட்ட இரசாயன பொருள் தொதேசஎனால் என்று பெயர், ஒரு சமீபத்திய பரிசோதனையில் ஆங்கில மருத்துவதில் பயன்படும் அண்டி பியாடிக் 'ஜென்டாமைசின்' கொத்தமல்லியில் இரண்டுமடங்கு அதிகமாக உள்ளது. அதே ஆண்டிபயாடிக் தான், ஒரு மோசமான செத்ாறத்தை அளிக்கக்கூடிய உணவில் பிறக்கும் நோய் 'சால்மோனெல்லா' அழிக்க பயன்படுத்த படுகிறது. ஆராய்ச்சியாளர்கள் கொத்தமல்லி ஜென்டாமைசின் காட்டிலும் மிகவும் பயனுள்ளதாக இருக்கும் என்று கருதுகிறார்கள். இதே ஆராய்ச்சியாளர்கள் கூட ஆங்கில ஆண்டிபயாடிக் தடுப்பின் மூலம் பெருகிவரும் பிரச்சனை ஒழிக்க இயற்கையான முறையில் கிடைக்கும் கரிம கொத்தமல்லி எண்ணெய் பயன்படுத்தி வரவேண்டும்.


பக்கவிளைவுகள்:- 

கொத்தமல்லியில் எந்த பாதகமான பக்க விளைவுகள் ஏதும் இல்லை என்று பல ஆதாரங்கள் இருப்பினும், இது தாய்மார்களுக்கு கருச்சிதைவு அதிகரிக்கும் வாய்ப்பு ஏற்படும், அல்லது கருவுற முயற்சிக்கும் பெண்களுக்கு கருத்துரு வாய்ப்பை குறைக்கும் என சில ஆதாரங்கள் உள்ளன. எனவே, கர்ப்ப காலத்தில் கொத்தமல்லி இலையை பயன்படுத்த கூடாது என்று எச்சரிக்கை விடுகினார். நீங்கள் கர்ப்பமாக அல்லது தாய்ப்பால் கொடுப்பவறாக இருந்தால், கொத்தமல்லியை எந்த வடிவத்தில் உறிஞ்சுவதுக்கு முன் உங்கள் மருத்துவரிடம் ஆலோசனை பெற்றபின் உன்ணுங்காள்.


Cilantro (Coriandrum sativum), Fresh, Nutrient value per 100 g :-


Energy - 23 Kcal
Carbohydrates - 3.67 g

Protein - 2.13 g

Total Fat - 0.52 g

Cholesterol - 0 mg

Dietary Fiber - 2.80 g


Vitamins:


Folates - 62 mcg

Niacin - 1.114 mg

Pantothenic acid - 0.570 mg

Pyridoxine - 0.149 mg

Riboflavin - 0.162 mg

Thiamin - 0.067 mg

Vitamin A - 6748 IU

Vitamin C - 27 mg

Vitamin E - 2.50 mg

Vitamin K - 310 mcg


Electrolytes:



Sodium - 46 mg

Potassium - 521 mg


Minerals:


Calcium - 67 mg

Iron - 1.77 mg

Magnesium - 26 mg

Manganese - 0.426 mg

Phosphorus - 48 mg

Selenium - 0.9 mg

Zinc - 0.50 mg


Phyto-nutrients:


Carotene-α - 36 mcg

Carotene-ß - 3930 mcg

Crypto-xanthin-ß - 202 mcg

Lutein-zeaxanthin - 865 mcg





                   ############

Sunday 12 October 2014

இந்த உலகத்தின் சாபக்கேடு, நாத்திகம்..!



இந்த உலகத்தின் சாபக்கேடு, நாத்திகம்..!

கால் போன போக்கில், மனம் போன போக்கில் வாழ முற்படுவதே நாத்திகம்..! தான் எனும் அகம்பாவமும், மனோ இச்சையை வழிபடுவதால் தோன்றும் சுயநல உணர்வும் மனிதனை கீழ்நிலைக்குத் தள்ளி மிருகமாக்கி விடுகிறது..!

ஒருவனது உள்ளத்தில் நாத்திக எண்ணம் குடிகொண்டு விட்டால், அவன் பிசாசாக மாறிவிடுகிறான். அதன்பிறகு அவனைப் பொறுத்தவரை விபச்சாரத்திற்கும் சமூக ஒழுக்கத்துடன் புரிகின்ற திருமணத்திற்கும் வேறுபாடு ஒன்றும் கிடையாது.!! திருடிய காசில் வாங்கின ரொட்டிக்கும், நாள் முழுவதும் உழைத்து சம்பாதித்த காசில் வாங்கின ரொட்டிக்கும் வித்தியாசம் ஒன்றும் தோன்றாது..!

உண்மையில் நாத்திகர்கள் என்போர் யார்..? யாரெல்லாம் தங்களை நாத்திகர்கள் என்று விளம்பரப் படுத்திக் கொள்கிறார்களோ, அவர்கள் மட்டுமா நாத்திகர்கள்..?

இல்லை.. கண்டிப்பாக இல்லை..!

ஒருவகையில் தங்களை வெளிப்படையாக நாத்திகர்கள் என்று கூறிக் கொள்பவர்களை கூட ஓரளவுக்கு பாராட்டி ஏற்றுக் கொள்ளலாம்.! ஆனால் வெளியே பலர் பார்க்க பழுத்தப் பழமாக ஆன்மீக வேடமிட்டுக் கொண்டு.. ரகசியமாக பஞ்சமாபாதகங்கள் புரிய கொஞ்சமும் அஞ்சாமல் திரிகிறார்களே..வெளியே ஆத்திகர்களாகவும் உள்ளே நாத்திகர்களாகவும் இருக்கிறார்களே..அவர்களே மிக்க ஆபத்தானவர்கள்..!! 

உண்மை ஆன்மீகமான இஸ்லாத்தைப் பொறுத்தவரை.. முஸ்லிம் பெயரை சூட்டியிருந்தாலும், இஸ்லாம் கூறும் அத்தனை வழிபாடுகளையும் விழுந்து, விழுந்து செய்தாலும்.. எண்ணங்களைப் பொறுத்தே கூலி கிடைக்கும்..

படைத்த ஏக இறைவனை நம்புவதும், அவனது கட்டளைகளுக்கு எவ்வித நிபந்தனையுமின்றி கீழ்படிவதும், மறுமையில் அவனது சந்திப்பை நம்புவதும் தான் ஒருவனை முஸ்லிமாக ஆக்கும். அஃதல்லாமல் இஸ்லாமிய பெற்றோருக்கு பிறந்து விடுவதாலோ, முஸ்லிம் சமூகத்திலிருப்பதாலோ அவன் இறைவனிடத்தில் ஒருகாலும் முஸ்லிமாகி விட மாட்டான்.!


அதனால் தான் நபிகள் நாயகம் அவர்கள், 

“விபச்சாரி மூமினாக (இறை விசுவாசியாக) இருந்துக்கொண்டு விபச்சாரம் செய்வதில்லை. மது அருந்தும் போது மூமினாக (இறை விசுவாசியாக) இருந்துக் கொண்டு மது அருந்துவதில்லை. திருடுகிற பொழுது மூமினாக (இறை விசுவாசியாக) இருந்துக் கொண்டு திருடுவதில்லை. மக்கள் பார்த்துக் கொண்டிருக்க, கொள்ளையடிக்கும் போது மூமினாக (இறை விசுவாசியாக) இருந்துக் கொண்டு கொள்ளையடிப்பதில்லை..!” என நபி(ஸல்) அவர்கள் கூறினார்கள்..

அறிவிப்பவர்; அபூஹுரைரா (ரலி)

நூல்கள்: புகாரி-5784, முஸ்லிம், அபூதாவூத், திர்மிதி, நஸயி, இப்னு மாஜா.
...................................................................
...................................................................

நாத்திகம் வீட்டுக்கும், நாட்டுக்கும் கேடு..!

[][][]

Thursday 2 October 2014

முஹம்மது (ஸல்) அவர்களைக் குறித்து உலக சிந்தனையாளர்கள் என்ன கூறுகிறார்கள்..?








சிலுவைப் போர்கள் நடைபெற்று வந்த நூற்றாண்டுகளில் இறைத்தூதர் முஹம்மது(ஸல்) அவர்களுக்கு எதிராக எல்லா வகையான அவதூறுகளும் பழிச்சொற்களும் புனையப்பட்டு பரப்பப்பட்டு வந்தன. ஆனால் மத சகிப்புத்தன்மை, கருத்து சுதந்திரம், ஆகியவற்றை தனது தனித் தன்மைகளாகக் கொண்ட நவீனயுகம் பிறந்தது.! அத்துடன் முஹம்மது (ஸல்) அவர்களின் வாழ்வையும் பண்புகளையும் விவரிப்பதில் மேலை நாட்டு அறிஞர்களின் அணுகுமுறை பெருமளவிற்கு மாறிவிட்டிருந்தது. இறைத்தூதர் முஹம்மது(ஸல்) அவர்களைப் பற்றி பிற சமய அறிஞர்களின் கருத்துக்கள் இந்த சிறு உரையில் தொகுத்துத் தரப் பட்டுள்ளன. அந்த அறிஞர்களைப் பற்றி மேலே நாம் தெரிவித்த கருத்து நியாயமானதே என்பதை அவை காட்டுகின்றன. ஆனால் மேற்குலகம் முஹம்மது(ஸல்) அவர்களைப் பற்றிய மாபெரும் உண்மையொன்றைக் கண்டுபிடிக்க இன்னும் ஒரு படி மேலே செல்ல வேண்டியுள்ளது. அது முஹம்மது(ஸல்) அவர்கள் இறைவனின் உண்மையான தூதர், மனித குலம் முழுமைக்கும் வழிகாட்டிட வந்த இறைதூதர் என்பதே அந்தப் பேருண்மையாகும்.


உணர்ச்சி கலவாத ஆய்வுநோக்கு, ஆழமான சிந்தனை, ஆகியவற்றை மேற்குலகம் பெற்றிருந்தும் முஹம்மது(ஸல்) அவர்களின் இறை தூதுத்துவ அந்தஸ்தைப் புரிந்துக் கொள்ள ஆய்வுரீதியான, நேர்மையான முயற்சி எதனையும் இதுவரை அது மேற்கொள்ளவில்லை. நபிகள் நாயகம் (ஸல்) அவர்களின் நாணயம், நேர்மை, மற்றும் சாதனைகளுக்காக மேற்கத்திய அறிஞர்கள் அண்ணலாரைப் போற்றிப் புகழ்கின்றார்கள். ஆனால் தாம் சமர்ப்பித்த வாதம்-அழைப்பு இவர்களால் நிராகரிக்கப் பட்டிருக்கிறது. இந்த இடத்தில் தான் அவர்கள் தங்களின் நிலையை மறுபரிசீலனை செய்து வாய்மையான உளப்பூர்வமான ஆய்வை மேற்கொள்ளவேண்டியது அவசியமாகிறது.


நபிகள் நாயகம்(ஸல்) அவர்களின் வாழ்க்கையிலிருந்து தெள்ளத்தெளிவான சில உண்மைகள் இங்கே தொகுத்துத் தரப்பட்டுள்ளன. அவர்களின் தூதுத்துவம் குறித்து ஆய்வுரீதியான, பாரபட்சமற்ற தர்க்கரீதியான, முடிவை மேற்கொள்ள அவை உதவும். முஹம்மது(ஸல்) அவர்களை, அவர்களுடைய நாற்பதாவது வயது வரை, ஓர் அரசியல் வித்தகராகவோ, போதகராகவோ, பேச்சாளராகவோ, எவரும் அறிந்திருக்க வில்லை. அவர்கள் இயற்பியலுக்கு அப்பாற்பட்ட (ஆன்மீக இறையியல்) விசயங்களைக் குறித்தோ, ஒழுக்கவியல், சட்டம், அரசியல், பொருளாதாரம் அல்லது சமூகவியல் போன்ற துறைகளைக் குறித்தோ, அவற்றின் அடிப்படைக் கொள்கைகள் குறித்தோ விவாதித்துக் கொண்டிருந்ததை அதுவரை எவரும் கண்டதில்லை. அவர்கள் நிச்சயம் மிக உயர்ந்த ஒழுக்கப் பண்புகளும் வசீகரமான பழக்கவழக்கங்களும் உயர்ந்த பண்பாடும் கொண்டவர்களாகவே திகழ்ந்தார்கள். எனினும் வருங்காலத்தில் மாபெரும் புரட்சியாளராய்- மனித வரலாற்றையே மாற்றியமைக்கக் கூடியவராய், அவர்கள் திகழக் கூடும் என்று மற்றவர்கள் எதிர்பார்க்கும் அளவிற்கு அசாதாரணமான விஷயம் எதுவும் அவர்களிடம் தென்படவில்லை. ஆனால் அவர்கள் மகத்தான ஒரு புதிய செய்தியை ஏந்திக் கொண்டு அந்த மலைக் குகையிலிருந்து (ஹிரா மலைக்குகை) வெளியே வந்தபொழுது முற்றிலும் மாற்றப்பட்டுத் தான் இருந்தார்கள்.


மேற்கண்ட உயர்ந்த பண்புகளைக் கொண்ட ஒருவர், தம்மை இறைத்தூதர் என பொய்யாக வாதிட்டு, திடீரென மக்களை ‘ஏமாற்றக் கூடியவராய்’ ஆகமுடியுமா..? இதன் மூலம் தம் சமுதாய மக்களின் கோபத்திற்கும் எதிர்ப்பிற்கும் தம்மை உட்படுத்திக் கொள்ளவும் முன் வருவாரா..? இந்தத் துன்பங்களையெல்லாம் அண்ணலார் அவர்கள் எதற்காக சகித்தார்கள்..? என்கிற கேள்வி ஒருவருடைய உள்ளத்தில் எழலாம். அவர்களுடைய சமுதாய மக்கள் அவர்களைத் தங்கள் அரசராக ஏற்றுக் கொள்வதாகத் தெரிவித்தார்கள். தமது நாட்டின் செல்வ வளங்களையெல்லாம் அவர்களின் காலடியில் கொண்டுவந்து குவிப்பதாகக் கூறினார்கள். ஆனால் இவற்றுக்குப் பகரமாக அவர்கள் தமது மார்க்கத்தைப் பிரச்சாரம் செய்வதை மட்டும் விட்டு விட வேண்டும் என்று கோரினார்கள். ஆனால் அண்ணலார் அவர்கள் அந்த மக்களின் கவர்ச்சிகரமான வெகுமதிகளையெல்லாம் ஏற்க மறுத்து விட்டு தன்னந்தனியாக நின்று தமது சொந்த சமூகத்தார் தமக்கிழைத்த கொடுமைகள், அவமதிப்புகள், தமக்கெதிரான பகிஷ்காரம், மற்றும் தமது உடல் மீதான தாக்குதல்கள் அனைத்தையும் தாங்கிக் கொண்டு, தமது மார்க்கத்தையும் பிரச்சாரம் செய்து கொண்டேயிருந்தார்கள். இஸ்லாம் தான் மனித குலத்திற்கு இறைவனால் வழங்கப் பட்ட ஒரே நெறியாகும்.; இறுதியில் அதுவே வெற்றி பெறுமெனும் நம்பிக்கை அவர்களிடம் ஆழமாகப் பதிந்திருந்தது. அத்துடன் வல்ல இறைவனின் பெருந்துணையும் அவர்களுக்கு இருந்தது. அதனால் தான் தம்மை அழிப்பதற்காகச் செய்யப்பட்ட எல்லா சூழ்ச்சி, சதி திட்டங்களுக்கும், தமக்கு நேரிட்ட எல்லா வெறுப்பு, எதிர்ப்புகளுக்கும் அசைந்து கொடுக்காத கொள்கைக் குன்றாக அவர்கள் நிமிர்ந்து நின்றார்கள். மேலும் அவர்கள் கிறிஸ்தவர்களுக்கும், யூதர்களுக்கும் போட்டி சக்தியாக-அவர்களுக்கு எதிரானவர்களாக வருகை தந்திருப்பார்களாயின் இயேசுவின் மீதும் மோசேயின் மீதும் மற்ற இறைத்தூதர்கள் மீதும் நம்பிக்கை கொள்வது அவசியம் என்று கூறியிருப்பார்களா..? இவ்வாறு மற்ற இறைத்தூதர்கள் மீது நம்பிக்கை கொள்ளாமல் எவரும் முஸ்லிமாக இருக்க முடியாது என்கிற அளவிற்கு அதனை இஸ்லாத்தின் அடிப்படை அம்சமாக வலியுறுத்திருப்பார்களா..?


எழுதப் படிக்க தெரியாதவராகவும் நாற்பதாண்டு காலம் வரை அமைதியான சாதாரணமான ஒரு வாழ்க்கையை நடத்தி வந்தவராகவும் இருந்தும், அவர்கள் தாம் கொண்டுவந்த இறைச் செய்தியை மக்களிடையே பிரச்சாரம் செய்யத் தொடங்கிய போது அரபுலகம் முழுவதும் மதிப்பச்சத்துடனும் வியப்புடனும் அவர்களை ஊன்றி கவனித்தது. அவர்களுடைய வசீகரமான நாவன்மையாலும், உயர் ஆற்றல்களாலும் ஈர்க்கப்பட்டது. அரபுக் கவிஞர்கள், போதகர்கள், சொல்லேருழவர்களின் பெரும் படைகளெல்லாம் ஒன்று சேர்ந்தும் கூட அவர்களுடைய சொற்பொழிவுக்கு நிகரான ஒரு சொற்பொழிவைச் சமர்ப்பிக்க முடியவில்லை. அந்த அளவிற்கு அவர்களின் சொல்வன்மை நிகரற்றதாய் இருந்தது. இவையனைத்தும் அவர்களின் தூதுத்துவம் உண்மையானதே என்பதற்கான மறுக்க முடியாத சான்றுகள் அல்லவா..? இறுதியாக அவர்கள் ஆட்சியதிகாரத்தை அடைந்து விட்ட பின்னரும் கூட எளிமையான கடினமான வாழ்க்கையை ஏன் வாழ வேண்டும்.? அவர்கள் மரணமடைந்த போது சொன்ன இறுதி நேரச் சொற்களை சற்று சிந்தித்துப் பாருங்கள். ‘’நபிமார்களுக்கு (சொத்துக்களில்) வாரிசுகள் எவருமில்லை. நாங்கள் விட்டுச் செல்லும் செல்வம் எதுவாயினும் அவை அறப்பணிகளுக்காக செலவிடப்பட வேண்டியவையே..!” 


நபிகள் நாயகம் அவர்களைப் பற்றி நல்லறிஞர் கருத்துக்கள்..! 




“உயர்ந்த குறிக்கோள், குறைவான சிறிய அளவிலான வசதி வாய்ப்புகள், பிரமிக்க வைக்கும் பயன்கள், ஆகிய இம்மூன்றும் தான் மனித நுண்ணறிவை, மனித ஆற்றலை அளந்திடும் அளவுகோல்கள் என்றால் இந்த நவீன வரலாற்றின் எந்த மாமனிதரையும் முஹம்மத் (ஸல்) அவர்களுடன் ஒப்பிட எவருக்குத் தான் துணிச்சல் வரும்.? 


புகழ்மிக்க மனிதர்களெல்லாம் ஆயுதங்களை உருவாக்கினார்கள்; சட்டங்களை இயற்றினார்கள்; பேரரசுகளை நிறுவினார்கள்; அவர்கள் செய்ததெல்லாம் இவைத் தாம்.! பெரும்பாலும் தமது கண்களின் முன்பே சிதைந்து விழுந்து விட்ட உலகாதயக் கோட்டைகளைத் தான் அவர்களால் நிறுவ முடிந்தது. ஆனால் முஹம்மத் அவர்களோ போர்ப்படைகள், சட்டமியற்றும் சபைகள், பேரரசுகள், மக்கள் சமுதாயங்கள், அரசவம்சங்கள், ஆகியவற்றை மட்டும் பாதித்து அவற்றை மட்டும் வெற்றிக் கொள்ள வில்லை; அவற்றுடன் அன்றைய உலகின் மூன்றிலொரு நிலப்பரப்பில் வசித்து வந்த கோடிக்கணக்கான உள்ளங்களையும் ஈர்த்தார்கள். வழிபாட்டுத் தளங்களையும், சமய நெறிகளையும், பல்வேறு கருத்துக்களையும், கொள்கைகளையும், நம்பிக்கைகளையும், ஆன்மாக்களையும், ஈர்த்து அவற்றில் தமது தாக்கங்களைப் பதித்தார்கள். 


வெற்றியின் போது அவர்கள் காட்டிய பொறுமை, பணிவு, சகிப்புத் தன்மை, தாம் ஏற்றுக் கொண்ட கருத்துக்காக தம்மையே முழுமையாக அர்பணித்துக் கொண்ட அவரது உயர் நோக்கம், ஆழ்ந்த விருப்பம், அரசாட்சியை அடைந்திட வேண்டுமென்ற குறுகிய எண்ணம் கொள்ளாமல் உலகப் பற்றற்று வாழ்ந்து வந்த நிலை, அவர்களின் முடிவில்லாதத் தொழுகைகள், பிரார்த்தனைகள், இறைவனுடன் அவர்கள் நடத்தி வந்த மெஞ்ஞான உரையாடல்கள், அவர்களின் மரணம், மரணத்திற்குப் பின்னரும் அவர்கள் அடைந்த வெற்றி இவையனைத்துமே அவர்கள் ஓர் ஏமாற்றுக்காரர் என்றோ, மோசடி குணம் உடையவர் என்றோ பறை சாற்றிடவில்லை. மாறாக, சமயக்கொள்கை ஒன்றை நிலைநாட்டிட அவர்களுக்கிருந்த மனோ உறுதியைத் தான் பறை சாற்றுகின்றன.


அவர்களுடைய இந்த சமயக் கொள்கை இரண்டு அடிப்படைகளை கொண்டது. ஒன்று இறைவனின் ஒருமை; மற்றொன்று இறைவனின் ஸ்தூலப் பொருளற்றத் தன்மை; முந்தியது இறைவன் என்றால் என்னவென்று எடுத்துரைக்கின்றது. பிந்தியது இறைவன் என்னவாக இல்லையென்பதை தெரிவிக்கின்றது. ஒன்று தவறான கடவுள்களைத் தனது பலத்தால் தூக்கியெறிகின்றது; மற்றொன்று பிரச்சார துணையுடன் ஒரு புதியக் கருத்தை உருவாக்க விழைகின்றது.


தத்துவப் போதகர், சொற்பொழிவாளர், இறைத்தூதர், சட்டநிபுணர், மாபெரும் போர்வீரர், கருத்துக்களை வென்ற வரலாற்று வீரர், பகுத்தறிவுப் பூர்வமான கொள்கைகள், நம்பிக்கைகளை நிலைநாட்டியவர், மாயைகள், கவர்ச்சிகள் இல்லாத பகுத்தறிவு ரீதியில் ஒரு கொள்கைவழி நாகரீகத்தை உருவாக்கியளித்த மாமேதை, ஒரே ஆன்மீக தலைமையில் இருபது பூவுலகப் பேரரசுகளின் நிறுவனர் தான் முஹம்மத் அவர்கள்.!”

(Lamartine, Historie de la Turkquie, Paris, 1854, Vol II, pp 276-277) 




[][][]





“அவர் ஒரே நேரத்தில் சீசரும் போப்’பும் ஆவார்; ஆனால் அவர் போப்’பின் பகட்டுகள்,ஆடம்பரங்கள் ஏதுமில்லாத போப் ஆவார். சீசரின் பாதுகாப்புப் படைகள் ஏதுமில்லாத சீசர் ஆவார்.


தயார் நிலையிலுள்ள இராணுவமோ,நிலையான, நிர்ணயமான வருமானமோ இல்லாமல் (மக்களின் உள்ளங்களையும் பெரும் நிலப்பரப்பையும்) வெறும் இறைவனின் இசைவாணையை, தெய்வீக அனுமதியை மட்டுமே துணையாகக் கொண்டு ஆட்சி புரிந்ததாகக் கூறிக்கொள்ளும் உரிமை, மனித வரலாற்றில் எவராவது ஒருவருக்கு இருக்குமானால், அவர் முகம்மது நபி அவர்களே ஆவார்; ஏனெனில் ஆட்சியதிகாரம் செலுத்திடத் தேவையான கருவிகள், துணைச் சாதனங்கள் ஏதுமில்லாமலேயே (ஆன்மீக மற்றும் உலக) அதிகாரங்கள் அனைத்தையும் அவர் பெற்றிருந்தார்..!” 

(By Bosworth Smith, Mohammad and Mohammadanism, London 1874, Page # 92)




[][][]







‘’உலகின் செல்வாக்கு மிகுந்தவர்களின் பட்டியலில் முதன்மையானவராக முஹம்மதை நான் தெரிவு செய்தது, சில வாசகர்களுக்கு வியப்பையும், வினாவையும் எழுப்பலாம். ஆனால் சமயஞ்சார்ந்த மற்றும் சமயச் சார்பற்ற வட்டத்தில் உலகின் மாபெரும் வெற்றியை பெற்றவர், மனித சரித்திரத்தில் முஹம்மது அவர்கள் ஒருவரே..!’’

(M.H.Hart, The 100 ! A Ranging of the most influential persons in History, New York, 1978, PP.33)





[][][]






“தாம் கொண்ட கொள்கைகளுக்காக, நம்பிக்கைகளுக்காக எந்தவித சித்ரவதைகளையும், கொடுமைகளையும் சகித்துக் கொண்டு, எத்தகைய தியாகங்களுக்கும் தயாரான முஹம்மது அவர்களின் நிலை, அண்ணலார் அவர்களை தலைவராக கருதி பின்தொடர்ந்த அவர்களின் தோழர்களுடைய உயர்ந்த ஒழுக்கப்பண்புகளும், அவர்கள் இறுதியில் நிகழ்த்திய சாதனையின் மகத்துவமும், முஹம்மது அவர்களின் அடிப்படையான நேர்மையை, நம்பகத் தன்மையை நன்கு உலகிற்கு எடுத்துரைக்கின்றன. முஹம்மது அவர்களை ஒரு ஏமாற்றுக்காரராகவோ மோசடிக்காரராகவோ கருதுவது பல கேள்விகளையும் முரண்பாடுகளையும் தான் எழுப்புகிறதே தவிர, பிரச்சனைகளைத் தீர்க்கக் கூடியதாக இல்லை. மேலும் உலக வரலாற்றின் மகத்தான மனிதர்களில் முஹம்மதுவைப் போல மேற்குலகில் தவறாகப் புரிந்துக் கொள்ளப்பட்டவர்கள் வேறெவருமில்லை.!“

(W. Montgomery, Mohammed at Mecca, Oxford 1932, pp 52.)



[][][]







‘’தமக்கு முன்னால் வாழ்ந்த பெரும் இறைத்தூதர்கள் அனைவரையும் போலவே முஹம்மதும் தமது இயலாமையை உணர்ந்து, இறைச்செய்தியை ஏந்திச் சென்று மக்களிடையே எடுத்துரைப்பவராகப் பணியாற்றிட முதலில் தயங்கினார். ஆனால் வானவர், ’’ஓதுவீராக..!’’ என்று கட்டளையிட்டார். நாம் அறிந்தவரை முஹம்மது எழுதவோ, படிக்கவோ இயலாதவராகவே இருந்தார். பூமியின் ஒரு பெரும் பகுதியில் புரட்சிகரமான மாற்றங்களை ஏற்படுத்த இருந்த இறை உதிப்பான, ’’பேரண்டத்தின் இறைவன் ஒருவனே..!’’ என்கிற சொற்களை அவர் அப்படியே எடுத்துக் கூறினார். 


எல்லா விசயங்களிலும் முஹம்மது அவர்கள் மிகவும் செயல்பூர்வமானவராய் – நடைமுறைப் படுத்திட உகந்த முறையில் செயல்படக் கூடியவராய் திகழ்ந்தார். அவர்களின் அன்பு மகனார் இப்ராஹீம் மரணமடைந்த பொழுது கிரகணம் ஒன்று நிகழ்ந்தது. உடனே இப்ராஹிமின் மரணத்திற்காக, ’இறைவனே தனிப்பட்ட முறையில் துக்கம் தெரிவிக்கிறான்.!’ என்னும் வதந்திகள் எழுந்தன. ஆனால் முஹம்மதோ, ‘’கிரகணம் பிடிப்பது ஓர் இயற்கை நிகழ்வாகும்; இத்தகைய விசயங்களை ஒரு மனிதரின் மரணத்துடனோ பிறப்புடனோ தொடர்புப் படுத்திப் பார்ப்பது மூட நம்பிக்கை.!” என்று அறிவித்தார். 


முஹம்மதின் மரணத்தின்போது கூட அவரைக் கடவுளாக்கும் முயற்சியொன்று மேற்கொள்ளப் பட்டது. ஆனால் அவருக்குப்பின் அவரது நிர்வாக வாரிசாக வரவிருந்த அபூபக்கர் சித்திக் அவர்கள் சமய வரலாற்றிலேயே தலைசிறந்த சொற்பொழிவு ஒன்றின் வாயிலாக இந்த மனவியாதியை முளையிலேயே கிள்ளியெறிந்து விட்டார். அந்தச் சொற்பொழிவின் முக்கிய பகுதி இது; “உங்களில் எவரேனும் இதுவரை முஹம்மது (ஸல்) அவர்களை வணங்கிக் கொண்டிருப்பாராயின் அவர்கள், ‘முஹம்மது (ஸல்) இறந்துவிட்டார்கள்’ என்பதைத் தெளிவாக தெரிந்துக் கொள்ளுங்கள்.! நீங்கள் இறைவனைத் தான் வணங்கிக் கொண்டிருந்தீர்கள் என்றால் அவன் என்றும் வாழ்பவன்; நிலைத்தவன் என்பதை அழுத்தமாக அறிந்துக் கொள்ளுங்கள்.!”

(James A Michener, ‘Islam; The Misunderstood Religion’ in The Reader’s digest (American Edition) in May, 1955, pp 68-70) 



[][][]






“அவர் இந்த மார்க்கத்தை பிரச்சாரம் செய்தது வியப்புக்குரியதல்ல; மாறாக அது என்றும் நீடித்து நிலைத்து நிற்கும் பாங்கு தான் வியப்புக்குரியதாகும். மக்கா நகரிலும், மதீனா நகரிலும் அவர் வகுத்தளித்த இஸ்லாமிய மார்க்கத்தின் அசல் வடிவம் தூய்மை கெடாமல், மாற்றப்படாமல், திரிக்கப்படாமல், பன்னிரண்டு நூற்றாண்டுகளில் நடந்தேறிய புரட்சிகள் பலவற்றிற்குப் பின்னரும் இன்றுவரை இந்திய, ஆப்பிரிக்க, துருக்கியப் பகுதிகளில் பாதுகாத்து வைக்கப்பட்டிருக்கின்றது. மற்ற சமயங்களைக் குறித்து, கற்பனை மற்றும் யூகத்தின் அடிப்படையிலான கருத்தோட்டங்களிலிருந்து முகம்மதியர்கள் ஒதுங்கியே நின்றனர். அவற்றை அடியோடு கிள்ளியெறிந்தும் விட்டனர்.

‘நான் ஒரே இறைவனின் மீது நம்பிக்கை கொள்கிறேன்; முஹம்மது அவர்கள் இறைவனின் திருத்தூதர் ஆவார்கள்..!’ என்பது தான் இஸ்லாத்தின் முன்மாதிரியான மாறுபாடற்ற ஒரேவிதமான பறைசாற்றலாகும். ஒருபுறம், கடவுள் பற்றிய அறிவார்ந்த கருத்தோட்டத்தின் உயர் மதிப்பு, கண்ணுக்குப் புலப்படும் உயிரினங்கள், சிலைகள் மற்றும் பொருள்களின் அளவுக்கு தாழ்த்தி மதிப்பிடாமை. இறைத்தூதருக்கு அளிக்கப் பட்ட உயர்மதிப்புகள். அவர்களும் ஒரு மனிதர்தாம் என்கிற அந்தஸ்தை தாண்டி (கடவுள் என்கிற அளவுக்கு) உயர்த்தி விடாமை, ஆகியன அண்ணலார் அவர்கள் அளித்துவிட்டுச் சென்ற சிரஞ்சீவியான கட்டளைகள் ஆகும். அவற்றை பின்பற்றுவோர் காட்டும் நன்றியுணர்வால் பகுத்தறிவு மற்றும் சமயத்தின் எல்லைகளுக்குள் முஸ்லிம்களை (மார்க்கத்தில் வரம்பு மீறாமல்) கட்டுப்படுத்தி வைத்திருக்கின்றன..!”

(Edward Gibbon and Simon Ocklay, History of the Saracen Empire, London, 1870, pp 54.)


[][][]





“மனித சமுதாயத்திலுள்ள கோடிக்கணக்கான மக்களின் உள்ளங்களின் மீது சர்ச்சைக்கிடமின்றி இன்று ஆதிக்கம் செலுத்திக் கொண்டிருக்கும் ஒருவரின் மிகச் சிறந்த வாழ்க்கையைப் பற்றி அறிந்திட நான் ஆவல் கொண்டேன். (அவ்விதம் அதனை நான் படித்தறிய முற்பட்டபோது) இஸ்லாத்திற்கு அக்காலத்திய வாழ்க்கையமைப்பில் உயர்ந்த ஓர் இடத்தை பெற்றுத் தந்தது வாள் பலமல்ல என்று முன் எப்போதையும் விட அதிகமாக நான் உணர்ந்தேன். நபிகள் நாயகத்தின் மாறாத எளிமை, தம்மைப் பெரிதாக கருதாமல் சாதாரணமானவராக நடந்துக் கொள்ளும் உயர் பண்பு, எந்நிலையிலும் வாக்குறுதியைப் பேணிக்காத்த தன்மை, தம் தோழர்கள் மீது அவர் கொண்டிருந்த ஆழிய அன்பு, அவரது அஞ்சாமை, இறைவன் மீதும் தமது பிரச்சாரப் பணியிலும் அவர் கொண்டிருந்த முழுமையான நம்பிக்கை ஆகியவைதாம் அவரது வெற்றிக்குக் காரணங்கள். இவையே உலக சக்திகள் அனைத்தையும் நபிகள் நாயகத்தின் முன்பும் அவர்களின் தோழர்கள் முன்பும் கொண்டு வந்து குவித்தன.எல்லாத் தடைகளையும் வெற்றிக் கொண்டன. அவரது மகத்தான வெற்றிக்கு இவை தாம் காரணமே தவிர வாள்பலம் அல்ல.!”

(YOUNG INDIA, quoted in The Light, Lahore, for 16th September 1924, MAHATMA GANDHI.)



[][][]







‘’அனைத்துலக சகோதரத்துவம், மனித இன சமத்துவம் முஹம்மது அவர்கள் பறைசாற்றிய கொள்கைகள், மனித சமுதாயத்தின் சமூக முன்னேற்றத்திற்கு மாபெரும் சேவைகளை ஆற்றியிருப்பதை எடுத்துரைக்கின்றன. பெரும் சமயநெறிகள் அனைத்தும் இதே கொள்கையை போதித்திருக்கின்றன. ஆனால் இஸ்லாத்தின் தூதர் இந்தக் கொள்கையை நடைமுறை வாழ்வில் செயல்படுத்திக் காட்டினார்.அதன் மதிப்பு முழுமையாக உணரப்பட வேண்டும். அதன் சாதனை ஒப்புக் கொள்ளப் படவேண்டும். உலக மக்களின் மனசாட்சி விழித்தெழுந்து விட்டால் இனமாச்சரியங்கள் மறைந்து விடும்.; மனித இன சகோதரத்துவக் கொள்கை நடைமுறைக்கு வந்து விடும்..!”

(Prof. Ramakrishna Rao, Muhammad the Prophet of Islam, pp 7 )



[][][]








“ அரேபியாவின் இந்த தூதருடைய வாழ்க்கையையும், ஒழுக்கப் பண்புகளையும் தூய நடத்தையையும் படிப்பவர்கள் அவர் எப்படி வாழ்ந்தார் என்பதை அறிந்தவர்களுக்கு அந்த வல்லமை மிக்க மாபெரும் இறைதூதர்களில் ஒருவரான இறுதித்தூதரைக் குறித்து உயர்வான எண்ணமே ஏற்படும். எனது இந்த நூலில் நான் பலருக்கும் தெரிந்த விசயங்களையே சொல்கிறேனென்றாலும், நானே அவர்களுடைய வாழ்க்கை வரலாற்றை திரும்பத் திரும்பப் படிக்கும் ஒவ்வொரு முறையும் ஆற்றல் மிக்க அந்த அரபு போதகரின் மீது புதிய ஒரு மதிப்பும் புதிய ஒரு மரியாதை உணர்வும் ஏற்படுவதை நான் உணர்கிறேன்..!”

(Annie Besant, The Life and Teachings of muhammed, 1932, pp 4 )

http://en.wikipedia.org/wiki/Annie_Besant


[][][]


இறைவன் அண்ணலார் மீது சாந்தி மழை பொழிவானாக..!

(நன்றியுடன்.. World Assembly of Muslim Youth (WAMY), RIYADH. K.S.A. பரப்புரையின் மொழியாக்கம்.) 



[][][]